Uhulumende usephe abaphathintambo bengatsha zonke ukuthi baphume lemithetho, ama bills, eyethulwa ngumonameli Emmerson Mnangagwa eyokuvusela umnotho welizwe kungakedluli amalnga angamatshumi amathathu.
Esethula imbiko yakhe ngomumo wesizwe, istate of the nation address, uMongameli Mnangagwa wathi kumele abaphathintambo babumbe imithetho ephathelane lokuvuselela umnotho leminye ebalisa ukuhlontishwa kwelungelo labantwana lokususa eminye imikhuba yesintu engahambelani lempilo yalezinsuku.
Usomlomo wedale lephalamende, uMnu. Jacob Mudenda utshele iphephandaba le The Herald ukuthi abaphathitambo abazehluleka ukuphuma lama bill la bazabizwa ukuthi bayechasisela idale lephalamende ukuthi bayehlulwa yini.
Ukuhlaziya loludaba sixoxe lengcwethi ecubungula ezombusazwe, uMnu. Rejoice Ngwenya othi isikhathi abasiphiweyo abaphathintambo silutshwana kakhulu.