Usibalukhulu weReserve Bank of Zimbabwe uMnu John Mangudya uzakwethula umbiko ophathelane lesimo somnotho oweMonetary Policy namuhla uzulu ekhala ngokoma kwempilo.
Uzulu ubhekane lenkinga ezigoqela ukusilela kwemali emabhanga, ukudula kwezinto lokusilela kwamafutha ezimota.
UMangudya uthi embikweni wakhe uzaphatha udaba lokuqonga mahlayana kwentengo yezinto ezitolo kanye lokusilela kweDollar leMelika.
Unobhala jikelele wenhlanganiso yezisebenzi eyeZCTU, uMnu Japhet Moyo utshele iStudio 7 ukuthi uhulumende ukhanya engaselawo amaqhinga okuvuselela umnotho.
Your browser doesn’t support HTML5
Ingxoxo loMnu Japhet Moyo
Bakhona abathi umnotho weZimbabwe ungalungisiswa kuphela nxa uMongameli Emmerson Mnangagwa engakhulumisana lomkhokheli weMDC uMnu Nelson Chamisa bebambe iqhaza.
UMnangagwa useke wakuveza ukuthi bayakhulumisana loChamisa. Kodwa isikhulumeli sikaChamisa uDr. Nkululeko Sibanda uthi akula nkulumo ezikhona.
Your browser doesn’t support HTML5
Ingxoxo loDr. Nkululeko Sibanda