Ibhanga elikhulu lelizwe eleReserve Bank of Zimbabwe (RBZ) ngoMvulo limise umsebenzi iziphathamandla zalo ezine ezicatshangelwa ukuthi ziphatheka emisebenzini yenkohlakalo.
Iziphathamandla lezi zibalisa uMnu Mirirai Chiremba, uNorman Mataruka, uGresham Muradzikwa loAzvinandawa Saburi.
Embikweni wakhe usibalukhulu walelibhanga uMnu John Mangudya uthe abomthetho bazalucwayisisa loludaba andubana uzulu aziswe okunengi.
Ukumiswa kwabane laba kuza ngemva kokuchaywa kwabo ngempelaviki ngosanda ukukhethwa ukuthi yisikhulumeli sogatsha lwezemali uMnu Acie Lumbumba.
ULumumba uthe uChiremba, uMataruka, uMuradzikwa loSaburi bakhipha imali yama-bond ngudlu eRBZ beyipha osiphatheleni ukuthi bathenge idolllar leMelika emkambo womkoto.
Ocubungula ezombusazwe uMnu Dinizulu Macaphulana utshele iStudio 7 ukuthi ukumiswa umsebenzi kwabantu laba kulokwenza lokulwisana okuphakathi kwebandla leZanu PF.
Your browser doesn’t support HTML5
Ingxoxo loMnu Dinizulu Macaphulana
ULumumba uthi kumele kubotshwe bonke abantu abacatshangelwa ukuthi benza okungekho emthethweni ebhanga leli.
Your browser doesn’t support HTML5
ULumbumba Wembula Amabhetshu Abantu Abasebenza eRBZ Abacatshangelwa Ukuthi Bazinkohlakali