Inkampani yeAustralia eye Invictus Energy Limited esanda ukwethula umbiko ichasisa ukuthi i gas kanye lamafutha e oil akukatholakali ngeqiniso eMuzarabani ngemva kombiko owethulwa ngumongameli Mnangagwa ngaloludaba, yethule omunye njalo umbiko ngoMvulo isithi isilesiqiniseko sokuthi amafutha la akhona.
Inkampani le, yona ethi isebenza lezinye ingcwethi kuloludaba, yayithe izakwazi ngokuqotho ukuthi kulamafutha eMuzarabani ingemba kulindawo ngomnyaka ka 2020.
Kodwa ngoMvulo inkampani le ithe kulamafutha amanengi okwesabekayo kulindawo, njalo angasetshenziswa okweminyaka engamatshumi amabili kusiya kwangamatshumi amane elizweni. Lokhu sokubangele ukuthi abanye bathi mhlawumbe inkampani le ibanjwe ngamandla ukwethula umbiko onje.
Ingcwethi ezicubungula umnotho welizwe zithi kufanele uhulumende aqaphele ukuthi kalahlekelwa yinzuzo nxa kuyikuthi ngempela amafutha akhona, njengoba kulamankampani ambalwa aphatheke kuloluhlelo.
Ukuhlaziya loludaba, sixoxe lengcwethi ecubungula ezomnotho welizwe uMnu. Rejoice Ngwenya, yena othi ngempela kukhona okunuka santungwana kuloludaba.
Your browser doesn’t support HTML5
Ingxoxo loMnu. Rejoice Ngwenya