Ibandla leMDC elikhokhelwa nguMnu Nelson Chamisa lithi lizaqhubeka ngenhlelo zalo zokuqoqa ukutshengisela njalo kalisoze livume ukwethuselwa nguhulumende kumbe amapholisa.
Lokhu kulandela amazwi kamphathintambo wendaba zasekhaya uMnu Cain Mathema yena othi amapholisa azaphatha amalunga alelibandla ngengalo elukhuni alubana ethe aqhubekela phambili ngokutshengisela kwawo.
Lanxa engabethanga iMDC ngegama, uMnu Mathema utshele amaphephandaba kahulumende ukuthi kulamabandla aphikisayo azama ukugenqula uhulumende ngokuqoqa ukutshengisela.
Kodwa umgcinisihlalo weMDC uNkosazana Thabitha Khumalo ukulandule lokhu. Uthe njalo ukutshengisela abakuqoqayo kuyavunyelwa yisisekelo sombuso.
Your browser doesn’t support HTML5
Ingxoxo loNkosazana Thabitha Khumalo