WASHINGTON DC —
Kulabantu abangamatshumi amane lasikhombisa (47) abafele engozini yokutshayana kwamabhasi amabili eRusape ngoLwesithathu ntambama.
Amabhasi la ngeyakoSmart Express leyakoBolt Cutter njalo amapholisa athi angqikilane ngamakhanda.
Inani labafileyo libikwa lilakho ukuqonga ngoba kulabantu abanengi abalimale kakhulu abasesimeni esibi ezibhedlela.
Isikhulumeli samapholisa uMnu Paul Nyathi uthi basacwayisisa njalo bazakwethula umbiko ogcweleyo ngoLwesine.
Lanxa imbangeli yalingozi ingakazakali, umeli weBinga North edale lephalamende uMnu Prince Dubeko Sibanda utshele iStudio 7 ukuthi uhulumende kumele alungise njalo aqhelise imigwaqo ukuze kwenqatshelwe ingozi ezinje.
Your browser doesn’t support HTML5
Ingxoxo loMnu Prince Dubeko Sibanda