Sibelengxoxo loNkosikazi Sibhekile Sibanda oseleminyaka engamatshumi amabili lanhlanu ehala kweleMelika. Uthi uyake avakatshele ekhaya.
Abantwana bakhe bonke bazalelwa ekhaya kodwa kathesi ulabazukulu aphila labo.
"Ukuya ekhaya siyakucabanga kodwa njengoba abantwana bekhulele lapha baphela phansi kwamasiko alapha. Ngakho kuzakubanzima ukubathwala beye ekhaya njengoba sokulabazukulu,"kutsho uSibanda.
Uthi lanxa bengaya ekhaya bazayala bephenduka eMelika ngoba sokulenziki yabo.
Uthi abazukulu layo imuli yonke iyadla imfushwa, inkobe lemihwabha.
"Abazukulu basebencane ukuthi bacabange ngokuthi bengahlala yini ekhaya. Kodwa abantwana yibo engiyake ngiye laye ekhaya," kutsho uSibanda.
Uthi uyakhumbula isikhathi idola le Zimbabwe lilesisindo esikhulu ukwedlula idola leMelika njalo ufisele ukuthi ngabe kuyenzakala umnotho welizwe ube yilokho owawuyikho khona.
Your browser doesn’t support HTML5
Ingxoxo loNkosikazi Sibhekile Sibanda