Uhulumende sechothoze inkampani yeDelta Corporation ngokuthatha inyathelo lokuthengisa utshwala lenamnede ekuphekayo ngedola leMelika kuphela.
Inkampani le yazise izolo ukuthi kuqala nje kusasa izabe ingasemukeli ibond lamaRTGs.
IDelta ithi ithethe lelinyathelo ngoba ibhekane lodubo lokusilela kwemali yeMelika edingakalayo ukuthenga indingeko zokupheka utshwala lenamnede.
Kodwa umphathintambo obona ngokusebenza kwamankampani uMnu Mangaliso Ndlovu uthi iDelta yephula umthetho ngokwenza lokhu lanxa amanye amagqwetha esithi akulamthetho oyephulwe yilinkampani.
UMnu Ndlovu yena ukhangelelwe ukuhlangana leziphathamandla zeDelta namuhla kumbe kusasa bekhulumisana ngalolu daba.
Sixoxe lengcwethi kwezenotho uMnu Reggie Shoko yena othi inyathelo elithethwe yiDelta lilakho ukubangela ukuthi amanye amankampani lawo athengise ngedola leMelika kuphela.
Your browser doesn’t support HTML5
Ingxoxo loMnu Reggie Shoko
Amazwi kaShoko agcizelelwe yingcwethi kwezombusazwe uMnu Bulisani Ncube kungxoxo ayenze loSithandekile Mhlanga weStudio 7.
Your browser doesn’t support HTML5
Ingxoxo loMnu Bulisani Ncube