Uhulumende Uhlangana Lezisebenzi Zakhe Phezu Kodaba Lweholo

Uhulumende uzahlangana labakhoheli benhlanganiso ezimela izisebenzi zakhe namuhla bekhulumisana ngobaba lweholo izisebenzi lezi ezithi zifuna lengezwe njalo libuye lingamadola eMelika.

Umhlangano lo uza ngesikhathi odokotela sebedlulise inyanga bephakathi kokukhalala umsebenzi njalo ababalisi labo besithi kabasoze baye ezikolo ekuvulweni kwazo kusasa ngoba bengelamali.

Izisebenzi zikahulumende zonke ziyahlokoma ngodaba lweholo kodwa yena uhulumende uthi akalamali. Uthi njalo akenelisi ukuzibhadala ngemali yemelika.

Kodwa isiphathamandla senhlanganiso yababalisi eyeZIMTA uMnu Richard Gundane uthi uhulumende kumele alungisise udaba lwabo ngokuphangisa ngoba ukungayi kwabo ezikolo kuzaphazamisa imfundo yabantwana.

Your browser doesn’t support HTML5

Ingxoxo loMnu Richard Gundane

Sixoxe njalo lowake waba yisiphathamandla kwezemfundo uMnu Thandeko Zinti Mnkandla yena othi uyabasekela ababalisi.

Your browser doesn’t support HTML5

Ingxoxo loMnu Thandeko Zinti Mnkandla