Uhulumende weleSouth Africa uthi kulezizalwane zeZimbabwe ezifika phose inkulungwane ezingamatshumi alikhulu lathobaminwemibili ezabhalisa zidinga amaphepha okuhlala lokusebenza ngokusemthethweni kulelolizwe.
Uthi phakathi kwabantu laba, kulabazinkulungwane ezilikhulu lasikhombisa, 178, 000 asebaphiwa amaphepha la.
Ekupheleni komnyaka odluleyo ugatsha lwendaba zesekhaya lwazisa ukuba kulabanye abasebenzisa amaphasipoti ayesephelelwe yisikhathi.
Ngokunjalo, lwathi babengasoze bawaphiwe amaphepha nxa bengezanga lamaphasipoti amatsha.
Izizalwane zeZimbabwe ezikweleSouth Africa zibikwa zisedlula izigidi ezimbili, ngokutsho kwezinye inhlanganiso ezizimeleyo.
UChris Gande weStudio 7 uxoxe lesizalwane seZimbabwe esesihlala eSouth Africa, uMnu George Mkhwananzi wambuza ukuthi abasebefuna ukubuyela ekhaya ngemva kokhetho basalawo na umdlandla.
Your browser doesn’t support HTML5
Ingxoxo loMnu George Mkhwananzi