Usibalukhulu weReserve Bank of Zimbabwe uMnu John Mangudya uthi imali yeZimbabwe eyamaRTGS Dollars isingena kabili lengxenye kudollar laseMelika.
UMangudya wazise lokhu ngoLwesihlanu ngemva kokuvuma ukuthi ngokusemthethweni isisindo sebond siphansi kweseUS$.
Isimemezelo lesi sitsho ukuthi amabhanga aseqalisile ukuthengisa idola leMelika elilodwa ngentengo yamabond kumbe amaRTGS amabili alamatshumi amahlanu.
Your browser doesn’t support HTML5
Ingxoxo loMnu Rejoice Ngwenya
Kusenjalo, owake waba ngumhleli wephephandaba leSunday Mail uMnu Edmund Kudzayi ubotshiwe ngamabutho eBorowdale ngemva kokutholakala ele-umbrella elombala wemvunulo yamasotsha.
Igqwetha lakhe uMnu Obey Shava utshele iStudio 7 ukuthi uKudzayi uzamiswa emthethwandaba ngoMgqibelo esetheswa icala lokutholakala elesigqoko samasotsha.
Ibutho lazise kuliviki ukuthi lizangena ezindlini abantu lidinga ama-uniform amasotsha elithi atshontshwe ngabantu asebehamba beganga bewagqokile.