Idale labaphathintambo,ele cabinet selivumelee ukuthi kubandululwe umthetho wozalo lwesizwe, owe Zimbabwe Citizenship Bill, ozavumela izizalwane zelizwe ukuthi zibe lozalombili lalapho eziyabe zihlala khona kunye lolwelizwe lokuzalwa.
Inguquko le izahambelana lesisekelo sombuso welizwe esalotshwa ngomnyaka ka 2013.
Umthetho okhona okwamanje uyalela umuntu ukuthi abe lezithpha zamazwe amabili kodwa isisekelo sombuso sona sithi abazalelwa eZimbabwe bayavunyelwa ukuba lezithupha ezimbili.
Umphathaintambo wezokwethulwa kwemibiko, uNkosikazi Monica Mutsvangwa utshele intathelizindaba izolo ngemva komhlangano wedale lecabinet ukuthi lumthetho, owawuthiwa Citizen of Zimbabwe Act, usuguqulwe igama wathiwa Zimbabwe Citizenship Bill ukwenzela ukuthi uhambelane lenguquko efakiweyo.
Izizalwane zeZimbabwe esezihlala emazweni ezinengi seziyinzalo yamazwe ezihlala khona kulandela ukuhlala okweminyaka eminengi zisemazweni la.
“Okuzenzakala yikuthi lumthetho uzabambanisa okusesikelweni sombuso lokusemthethweni lo omutsha,” kutsho uMachaya.
Umsitheli, uMnu. Prince Machaya obekhona emhlanganweni lentathelizindaba. Ukuhlaziya loludaba uChris Gande weStudio Seven uxoxe lesizlwane se Zimbabwe esihlala kwele Bhilitane, uMnu. Difa Wajapi Bango.
Your browser doesn’t support HTML5
Ingxoxo loMnu. Difa Wajapi Bango