Abasakhulayo beMDC eHarare lakoBulawayo bathi ayizitha amalunga alelibandla afisa ukuncintisana lomkhokheli walo uMnu Nelson Chamisa kuCongress ezakwenziwa ngoNkwenkwezi.
Bekhuluma emhlanganweni abawenze ngoMvulo, abasakhulayo beHarare bathe uMnu Chamisa nguye yedwa omele akhokhele lelibandla njalo akumelanga kubekhona oncintisana laye.
Kulengxabangxoza esiqhamukile kulelibandla phezu kodaba lwamanye amalunga alo athi akulamuntu omele ancintisane loChamisa esikhundleni akuso.
Kunakanelwa ukuthi unobhala jikelele webandla uMnu Douglas Mwonzora lomsekeli kaChamisa uMnu Elias Mudziuri balesifiso sokuncintisana loChamisa.
Amazwi abasakhulayo beMDC achothozwe ngabantu abanengi abathi ukwalela abanye ukuncintisana loChamisa kuveza sobala ukuthi ibandla leli liphila ngemikhuba lemikhutshana yeZanu PF.
Sixoxe lomgcinisihlalo wabatsha kulelibandla koBulawayo uMnu Mlandu Ncube yena othi akuqondanga ukubafananisa lebandla leZanu PF.
Your browser doesn’t support HTML5
Ingxoxo loMnu Mlandu Ncube