Uhulumende seqhatshe enye inkampani yakweleMelika ukuthi ikhulumisane lohulumende walelolizwe esule izijeziso zenotho azethesa amalunga eZanu PF lamankampani alobudlelwano lalelibandla.
EleZimbabwe lihlawule inkampani yeBallard Partners, yona elobudlelwano loMongameli Donald Trump, ingxenye yesigidi ukuze iqhube lumsebenzi.
Inyathelo leli liza ngemva kokuqheliswa kwezijeziso zeMelika phezu kwamalunga eZanu PF nguMongameli Trump ngeviki edluleyo.
Umphathintambo obona ngobudlelwano beZimbabwe lamanye amazwe uMnu Sibusiso Moyo usole inyathelo leli esithi izijeziso ziphazamisa uzulu weZimbabw jikelele.
Kodwa isigodlo someli weMelika eHarare sithi izijeziso lezi ziphatha kuphela amalunga eZanu PF eziwajongileyo angamatshumi ayisitshiyagalombili lane lamankampani alobudlelwano lebandla leli angamatshumi amahlanu lasithupha.
Ukuhlaziya loludaba sixhume isiphathamandla seMDC uMnu Edwin Ndlovu lelunga leZanu PF uMnu Believe Gaule onguye osungula lingxoxo.
Your browser doesn’t support HTML5
Ingxoxo loMnu Believe Gaule loMnu Edwin Ndlovu