Umanyano weEuropean Union suxwayise uhulumende weZimbabwe ukuthi ahloniphe amalungelo oluntu njalo acwayisise udaba lokuthunjwa kowayelwela amalungelo kazulu uMnu Itai Dzamara yena oseleminyaka emine engaziwa ukuthi ungaphi lokuthi usaphila na.
Embikweni owethule kuTwitter ngoLwesihlanu, lumanyano uthe uhulumende kumele aphumele egcekeni atsho ukuthi kuyini okwenzakalayo kuDzamara, abuye njalo athathe amanyathelo kulabo abaphatheka ekuthunjweni kwakhe.
NgoMgqibelo, okulilanga uDzamara athunjwa ngalo ngomnyaka ka2015, uzulu uzabuthana eHarare emkhumbula, kutsho omunye wabaqoqa lumbuthano uMnu Charles Nyoni.
Your browser doesn’t support HTML5
Ingxoxo loMnu Charles Nyoni
Ngakolunye uhlangothi, eleMelika lalo liqhubeka lichothoza uhulumende kaMongameli Emmerson Mnangagwa lisithi ukhanya engazimiselanga ukuhlonipha amalungelo oluntu.
Isiphathamandla sogatsha oluboba ngobudlelwano balelolizwe lamanye amazwe uMnu Robert Palladino uthi ngaleso sizatho, eleMelika lizaqhubeka lijezise iziphathamandla zeZanu PF ezingamatshumi ayisitshiyagalombili lane kanye lamankampani alobudlelwano lalelibandla.
Le yinto esolwe kakhulu yisiphathamandla seZanu PF uMnu David Ndlovu.
Your browser doesn’t support HTML5
Ingxoxo loMnu David Ndlovu