Umsekeli webandla leMDC, uBlessing Toronga, yena onyamalale ngoZibandlela ngesikhathi amasotsha lamapholisa ekhahlameza abantu, utholakale efile e-mortuary yesibhedlela seChitungwiza ngoMvulo.
Abomndeni wakhe batshele iphephandaba leZimLive.com ukuthi uToronga wathunjwa ngabantu abanakanelwa ukuthi ngabogatsha lwezomvikela ngoZibandlela mhlaka 24 wayabulawa kwathi isidumbu sakhe sayatshiywa e-mortuary mhlaka 27.
Abalwela amalungelo oluntu bathi ukufa kukaToronga kwenyusa inani labantu ababulawa ngamapholisa lamabutho liye kwabalitshumi lasitshiyagalombili.
Isiphathamandla seMDC koBulawayo uMnu Edwin Ndlovu utshele iStudio 7 ukuthi ibandla lakhe likhathazekile kakhulu ngesehlakalo lesi kanye lokuhlukuluzwa nje mahlayana kwabantu nguhulumende.
Your browser doesn’t support HTML5
Ingxoxo loMnu Edwin Ndlovu