Izulu lesiphepho, uCyclone Idai, elitshaye esigabeni seManicaland labulala abantu abangamatshumi ayithoba munwe munye libikwa lifinyelele isigaba seMasvingo lapho okudilike indlu kwafa abantwana ababili.
Lisiyatshona izolo inani labafile engozini yezulu leli ibisifike kumatshumi aayithoba munwe munye lasitshiyagalombili, 98.
Umongameli Emmerson Mnangagwa ophenduke elizweni namhla esithi ufuna ukuba ebantwini abawelwe yingozi utshone esigodlweni sakhe ngemva kokugcoba usibalukhulu wesigaba seHarare, uMnu. Oliver Chidawo.
Umkhokheli webandla leMDC, uMnu. Nelson Chamisa yena uhambe eChimanimani, Tanganda le Chipinge kodwa wehluleka ukufinyelela ko Nedziwa.
Ekhuluma le Studio Seven uChamisa uthe udaniswe ngeokungalungiseleli ingozi ezifana lezulu leli nguhulumende. Uthe ufike ezindlini zomqando, ama mortuary, wabona izidumbu kungelamadla kagetsi.
Kodwa izanuse zomkhathi zithi iyezi lika Idai likhanya seliqonda eMalawi.
Isiphathamandla sogatsha olubona ngokuhlenga abawelwe yingozi, olwe Civil Protection Unit, uNkosazana Sibusisiwe Ndlovu, utshele uChris Gande we Studio Seven ukuthi lanxa izulu selimile ukuna kukhona uzulu amele akulimuke.
Your browser doesn’t support HTML5
Ingxoxo loNkosazana Sibusisiwe Ndlovu