Abamabandla aphikisayo sebesole uMongameli Emmerson Mnangagwa ngokwethekelela eAngola ngoMgqibelo besithi ubemele abekhona elizweni akhokhele imizamo yokuphathisa abantu abahlaselwe lizulu lesiphepho eManicaland.
UMnangagwa ulande umhlangano wamabandla ezombusazwe akhulula amazwe asezansi yeAfrica embusweni wabahuquluzi ongelani lentuthuko yelizwe kodwa olokwenza lamabandla abusayo.
Okucunule amabandla la lozulu weZimbabwe jikelele yikuthi uMnu Mnangagwa usuke ngelanga alihlelileyo ukuthi libe ngelinye lensuku ezimbili zokukhalela uzulu weManicaland.
Lezinsuku zibalisa ilanga langoMgqibelo lelangeSonto.
Umgcinisihlalo weMDC-T uMnu Abednico Bhebhe utshele iStudio 7 ukuthi ukuya kukaMnangagwa eAngola kuveza sobala ukuthi ungumbusi ongelazwelo ebantwini.
Your browser doesn’t support HTML5
Ingxoxo loMnu Abednico Bhebhe
Kodwa isiphathamandla seZanu PF uMnu Josepha Tshuma uthi kavumelani lokukhulunywa nguMnu Bhebhe.
Your browser doesn’t support HTML5
Ingxoxo loMnu Joseph Tshuma