Inhlanganiso ezimeleyo ebona ngokuqhutshwa kokhetho eyeZimbabwe Electoral Support Network-ZESN, ithi njengenjayelo, izahlolisisa ukhetho oluzaqhutshwa yiZimbabwe Electoral Commission, i-ZEC, olokudinga ukhansila ka Ward 28 eCowdray Park koBulawayo ngoMgqibelo kuyonale impelaviki.
Ukhetho lolu soludale ukuphithizela kwamabandla esigabeni esandiswe ukuthathwa libandla leMDC lona elidabukeneyo okwakathesi lifake amalunga amabili azancintisa elimele.
Embikweni ewethule izolo, inhlanganiso le, ithi izaqoqa konke okwenzakalayo njalo inikeze izixwayiso ezokuthi zokuthi ukhetho luqhutshwe ngcono kwelizayo.
I-ZESN lezinye inhlanganiso ezizimeleyo seziqhube inhlelo zokufundisa abantu ngokuvota i-voter education kule i-ward. Inhlanganiso lezi zigoqela iBulawayo Progressive Residents Association, Women’s Institute for Leadership Development, Bulawayo Vendors and Traders Association, le Victory Siyanqoba Trust.
Amalunga e-MDC amabili, uNkosazana Nomagugu Mloyi, loAlderman Collet Ndlovu atshele iStudio 7 ukuthi azancintisa kulolukhetho womabili ngoba engekho ofuna ukudedela omunye, kuthi kubandla leZANU PF kuncintise uMnu. Kidwell Mujuru.
Balitshumi lasitshiyagalombili abancintisa kulolukhetho, olubekhona ngenxa yokutshona kowayengukhansila uMnu. Happison Ncube weMDC ngoMpalakazi nyakenye.
UMnu. Nkosikhona Nyoni, ozancintisa emele ibandla leMthwakazi Republic Party, uthi kufanele abahlali bakoBulawayo bavuse inkophe bavotele yena.
Your browser doesn’t support HTML5
Ingxoxo loMnu. Nkosikhona Nyoni