Umzabalazo wokuthi uhulumende kumele aguqule imithetho elawula ukuqhutshwa kokhetho ubhahileyo eZimbabwe njalo uhlala uhlupha nje nxa kulokhetho.
EMelika lakho kunjalo kulezinsuku lapho abandinga ukumela ibandla lamaDemocrats kukhetho lukaMongameli ngomyaka ozayo abathi uhlelo lokukhetha uMongameli olwaziwa ngokuthi yiElectoral College, kumele lwesulwe.
Loluhlelo luyimpicabadala; kabaluzwisisi abantu abanengi.
Nanku umzekeliso ongakupha ingcazelo ongayizwisisa; ngenxa yeElectoral College le, uNkosikai Hillary Clinton wehluleka ukuba nguMongameli weMelika lanxa wayenqobe uMnu Donald Trump ngamavoti edlula izigidi ezintathu kukhetho luka2016.
Ngokunjalo, amaDemocrats athi loluhlelo kumele lwesulwe ukuze uMongameli weMelika akhethwe ngumphakathi kuphela, i-popular vote ngesingisi.
Ukuhlaziya loludaba sixhume isizalwane seZimbabwe esihlala eMelika uMnu Kelvin Manduna yena oqhuba izifundo zePhD eHoward University.
UManduna uthi lanxa evumelana lomqondo wamaDemocrats, kaboni izifiso zabo zigcwalisiswa.
Your browser doesn’t support HTML5
Ingxoxo loMnu Kelvin Manduna