Amaqembu omdlalo wenguqu amakhulu athi el Highlanders leleDynamos aya eqhuba nzima emidlalweni yeCastle Lager Premier Soccer League.
Iqembu leHighlanders linqontshwe nge1 ka 0 ngeleTriangle eBarbourfields ngoMvulo, okutshoya leliqembi lilemiklomelo emibili kuphela ngemva kwemidlalo emine.
Umqeqetshi weHighlanders uMadinda Ndlovu ukhale ngokuthi iqembu lakhe liyehluleka ukulungiseleli kuhle imidlalo yalonyaka.
Ngakwelinye icele umqeqetshi weTriangle uTawurayi Mangwiro uthe banqobile ngoba bengazange balesabe ngitsho lakancane iqembu leHighlanders.
Emdlalweni odlalelwe eRufaro iqembu leDynamos lalo linqotshwe nge1 ka 0 ngeleHerentals. Limpumela itshiye leliqembu lilemiklomelo emithathu kumidlalo emine eseliyidlalile lonyaka.
Iqembu leManica Diamonds lona litshaye eleMushowani Stars nge1 ka nya emdlalweni wamaqembu angene lonyaka kusigaba saphezulu.
Kusenjalo iqembu eliphakamise isicoco nyakenye eleFC Platinum lindize layahlala phezu kwengalane yemiklomelo ngemva kokunqoba eleHwange ngoMgqibelo nge2 ka 0.
Iqembu leFC Platinum lilemiklomelo elitshumi eliyithole kumidlalo emine.
Your browser doesn’t support HTML5
Udaba Siluphiwa nguJoseph Njanji