Lanxa amalunga eZanu PF ayevame ukuchothoza umkhokheli weMDC, uMnu Morgan Tsvangirai esaphila esithi ungumthengisi, uMongameli Emmerson Mnangagwa uthi uTsvangirai wayengumuntu omuhle njalo uthi uzulu weZimbabwe kumele alandele umzekeliso wakhe.
Okumangalisayo yikuthi uMnangagwa ngokwakhe ungomunye weziphathamandla zeZanu PF ezazihlala zichothoza uTsvangirai zimbiza ngamagama amabi.
Kodwa embikweni awethule ngeSonto enkundleni yeTwitter, oqondane lesikhumbuzo sikamuyi esenzelwe emzini wakhe eBuhera ngoMgqibelo, uMnangagwa uchaze uTsvangirai njengomuntu owayemanyanisa abantu njalo ethanda lelizwe lakhe.
Ngokunjalo, uthe uzulu laye kumele asebenzelane ndawonye kungakhathalekile ukuthi ungowaliphi ibandla akhe ilizwe.
Isikhulumeli sikaMnu Nelson Chamisa, uDr Nkululeko Sibanda utshele iStudio 7 ukuthi amazwe kaMnangagwa ayabamangalisa njalo kababuboni ubuqotho bawo.
Your browser doesn’t support HTML5
Ingxoxo loDr. Nkululeko Sibanda