Woza Friday: Sihamba leqembu leSinazo Liphethe Indlikizane Yedlalade Lalo Elitsha

Kuhlelo Woza Friday liviki sihamba leqembu elihlabela umdumo weHouse, eleSinazo, lona elisanda kwethula idlalade lalo elitsha elilesihloko esithi 'Drums of Matopos.'

Leli lidlalade leSinazo elesithathu njalo lilengoma ezilitshumi lanhlanu ezigoqela ethi ‘Been Around,’ ‘Isithembiso,’ ‘Mbisana,’ ‘uTshangana,’ ‘Buhe,’ lezinye.

Iqembu leli ngelakuqala eZimbabe ukuhlabela umculo weHouse ngolimi lwesiKalanga. Ngokunjalo, ingoma ezinengi kulelidlalade zihlatshelwe ngalololimi.

Udaba Siluphiwa nguNtungamili Nkomo

Umholi waleliqembu uTich Mabala utshele iStudio 7 ukuthi bazaphatheka kumbuthano wabantu bohlobo lwesiKalanga mhlaka13 ngoNtulikazi kweleBhilithani lapho abazabukisa khona idlalade labo.