Ibandla leMDC-T, elikhokhelwa nguNkosikazi Thokozani Khuphe, libikwa selise udaba lokwaba imali ephiwa amabandla aphikisayo nguhulumende lisithi lalo lifuna ingxenye yalimali.
Lonyaka ibandla leMDC Alliance, elikhokhelwa nguMnu. Nelson Chamisa lizaphiwa imali eyizigidi ezintathu lengxenye, $3,5 million.
Lokhu kwenzakala uMnu. Chamisa ebonakale exoxisana loKhupe okwabantu abalobuhlobo obuhle emfeni kaNkosikazi Vimbayi Tsvangirai Java owayengumntaka Mnu. Morgan Tsvangirai obhubhe ngemva kwengozi yemota ngenyanga edluleyo.
UKhupe, owake waphosa watshiselwa endlini ngabasekeli baka Chamisa emfeni ka Tsvagirai eBuhera, uhoziwe lapho esemukelwa ngumphakathi.
Sixoxe lomsekeli kanobhala obona ngenhlelo zebandla leMDC-T, uMnu. Alfred Ncube saqala ngokumbuza ukuthi bahamba njani emfeni yako Tsvangirai?
Your browser doesn’t support HTML5
Ingxoxo loMnu. Alfred Ncube