Sokwesatshelwa ukuthi kungaqhamuka impi phakathi kwele Iran leleMelika kulandela ukudutshulwa kwendizamtshina yeMelika engelamtshayeli, idrone, ngabebutho lakwele Iran.
Ele Iran lithi lidubule lindizamtshina ngoba ibisifohle yaphapha kulelo lizwe kodwa eleMelika lithi ngamanga la indizamtshina le ibiziphaphela nje phezu kolwandle okungayisikho kwele Iran.
Ezinye iziphathamandla zeMelika ezikubandla lama Republicans zithi uhulumende kumele ahlasele ele Iran kodwa uMongameli Trump ubikwa edonda ukuthatha lelinyathelo.
Okunye okumdondisayo yikuthi amanye amazwe awamthembi. Ngeviki edluleyo kulemkhumbi yeMelika ephoselwe amabhomba akunga muntu kodwa omunye umkhumbi ubikwa utshe kancane.
Lanxa bekungela bufakazi bokuthi ngele Iran elingaba liphose amabhomba la lelo lizwe lilandule lokhu kodwa ukufuthelana besekuvele kukhona.
NgoMvulo eleMelika lithumele amabutho ayinkulungwane eyodwa esigabeni se Middle East okucatshngelwa ukuthi kungaba yikutshengisela ele Iran iziqwanga zeleMelika.
Sixoxe lesizalwane seZimbabwe esihlala ngapha kweleMelika, uMnu. Raphael Mthombeni.
Your browser doesn’t support HTML5
Ingxoxo loMnu. Raphael Mthombeni