Umphathintambo wezemali, uMnu. Mthuli Ncube utshele ikhomidi yedale lephalamende ukuthi umthetho asanda wethula, owenqabela ukusetshenziswa kwemali yakamane amazwe uyasebenze kuhle.
Ephendula ukuthi kungani uzulu engaphiwanga ithuba lokuqala azwisise lumthetho uNcube uthe babengafuni ukulimukisa abahuquluze bemali.
UNcube uthe uhulumende uzabhadala ngoMvulo isikwelede senkampani yamandla eyakwele South Africa eye Eskom kulandela ukuphika kwalinkampani ukuthi isibhadelwe ngeviki edluleyo.
UNcube ubuziwe ukuthi kungani umphathintambo wezamandla, uMnu. Fortune Chasi wayethe imali isibhadelwe yona ingabhadalwanga, wathi kazi ukuthi kuyini okwakusenzakala.
UNcube uthe izisebenzi zikahulumende zizengezelelwa iholo ekupheleni kwenyanga. Usibalukhulu webhanga le Reserve, uMnu. John Mangudya laye ubesemhlanganweni munye.
Utshele likhomidi ukuthi umthetho omutsha usebenza kahle wasesithi ulethemba lokuthi amapholisa azaphathisa ukulandelwa kwawo ukuze uphumelele.
UMangudya ulandule imbiko ethi kuleziphathamandla zebhanga le Reserve ezithenga zithengisa idola leMelika ezitaladeni.
Ababili laba bavumile ukuthi kumele bakhankase ngomthetho omutsha ngoba uzulu engela lwazi olujulileyo.
Ukuhlaziya loludaba uChris Gande weStudio Seven uxoxe lengcwethi ecubungula ezomnotho, uMnu. Masimba Kuchera.
Your browser doesn’t support HTML5
Ingxoxo loMnu. Masimba Kuchera