Izisebenzi zikahulumende zizahlangana lomqhatshi wazo namuhla kukhulunyiswana ngodaba lweholo ababalisi besithi bafuna elabo likhutshulwe liye ku$4,600.
Ngeviki eliphelileyo uhulumende uke wahlangana lezisebenzi zakhe phezu kodaba lolu wathi uyenelisa ukuzengezelela iholo ngamadola aphose afike kukhulu, $97 kuphela.
Kodwa izisebenzi zayala ukuyamukela limali zisithi incane kakhulu.
Isiphathamandla senhlanganiso emela ababalisi eyeZimta uMnu Sifiso Ndlovu utshele iStudio 7 ukuthi ababalisi sebephila nzima ngenxa yokudula kwezinto, yikho nje befuna iholo eliphakemeyo.
Your browser doesn’t support HTML5
Ingxoxo loMnu Sifiso Ndlovu
Amazwi kaNdlovu agcizelelwe ngunobhala jikelele weZCTU uMnu Japhet Moyo yena uthi uhulumende kumele akhwezele izisebenzi zakhe iholo ngesilinganiso ezisifunayo.
Your browser doesn’t support HTML5
Ingxoxo loMnu Japhet Moyo