Umthethwandaba weNomination Court ngoLwesihlanu wamukele amagama abazancintisa kukhetho lokudinga umeli weMangwe loweGlen View South edale lephalamende oluzakwenziwa mhlaka 7 ngoMpandula.
Ababemela izigaba zombili babhubhe ngenyanga edluleyo.
Ozancintisa esigabeni seMangwe emele ibandla leZanu PF nguNkosikazi Hlalani Mguni, onguNkosikazi kamuyi owayephethe lesisikhundla uMnu Obedingwa Mguni.
Ibandla leMDC lona lizamelwa nguMnu Vincent Sihlabo, yena otshele iStudio 7 ukuthi ukhangelele ukunqoba kulolukhetho lanxa nje wanqotshwa kukhetho olwedluleyo.
Your browser doesn’t support HTML5
Ingxoxo loMnu Vincent Sihlabo
UNkosikazi Mguni yena uthe ubengeke ekhulume ngoba ubephakathi komango ngesikhathi etshayelwa ucingo yilumskazo laye evela bhalisa.
ELupane West khona amabandla ancintisayo kukhetho lokudinga umeli wesigaba lesi ephalamende mhlaka 3 ngenyanga elandelayo aphakathi kokudinga usekelo njalo ngoMgqibelo umkhokheli weMDC uMnu Nelson Chamisa uzakwenza umhlangano omkhulu kulindawo.
Kodwa ilunga leZanu PF uMnu Believe Gaule uthi iMDC idlalisa nje isikhathi ngoba ibandla lakhe lizawuphinda umphehlo ngokunqoba elikwenze kukhetho olwedluleyo.
Your browser doesn’t support HTML5
Ingxoxo loMnu Believe Gaule