Umthethwandaba kamantshi ngoMgqibelo walile ukukhulula umphathintambo obona ngokwethekelelwa kwelizwe uNkosikazi Prisca Mupfumira usithi kumele aqhubeke evalelwe esitokisini okwamaviki amathathu alandelayo.
UMupfumira ubotshwe ngoLwesine esetheswa amacala ayisikhombisa enkohlakalo aphathelane lokuntshontshwa kwemali engena kuUS$95 million, kusikhwama sogatsha lweNational Social Secirity Authority (NSSA).
Umatshi uMnu Munamato Mutevedzi wale ukwamukela isicelo sikaNkosikazi Mupfumira esokuthi athonisiswe ephandle, esithi ulakho ukuphazamisa ubufakazi.
Ngakho, uthe kumele aqhubeke evalelwe okwamaviki amathathu alandelayo abatshutshisi besaqinisa udaba lwabo.
Abasekela ibandla leZanu PF bathi ukubotshwa kukaMupfumira kuveza ukuzimisela kukahulumende ukulwisana lenkohlakalo.
Kodwa ingcwethi kwezombusazwe uMnu Effie Dlela Ncube uthi akavumelani lalumbono.
Your browser doesn’t support HTML5
Ingxoxo loMnu Effie Dlela Ncube