Inhlanganiso emela abathengi eyeNational Consumer Rights Association (NICORA) ithi ukukhwezwa kwembhadalo yamagetsi ngumphathintambo wezemali uMnu Mthuli Ncube ekwethuleni i-supplementary budget yakhe ngeviki edluleyo sokudalele uzulu weZimbabwe udubo oluphindiweyo.
Ngaphandle kwamagetsi, uNcube ukhuphule njalo imbhadalo yentuba zomgwaqo, ama-toll gates, lembhadalo yokubhalisa izimota nxa umuntu ethe wayithenga.
Uphinde wakhuphula umthelo wamafutha ezimota, okubangele ukuthi abawathengisayo bakhuphule intengo yawo ngoMgqibelo ifike kumadola phose alitshumi i-liter eyodwa.
Isikhulumelo seNICORA uNnu Effie Dlela Ncube uthi i-budget kaMnu Ncube isilethele uzulu ubunzima obumangalisayo ngoba izinto sezikhwelile njalo zonke.
Your browser doesn’t support HTML5
Ingxoxo loMnu Effie Dlela Ncube