WASHINGTON DC —
Ugatsha olubona ngokutholakala kwephethulo ledizili elizweni olweZimbabwe Energy Regulatory Authority solukhweze intengo yamafutha ezimota yaya ngale kwe$10.00.
Iliter eyodwa yephethulo, yona ekhwele ngeviki edluleyo isiya ku$9.12, isikhwelile njalo namuhla yaya ku$10.01.
Iliter yedizili yona iqonge isuka ku$9.36 yaya ku$10.32. Kodwa intengo yamafutha la iyatshiyana ngezindawo.
Endaweni ezikude ezifana leVictoria Falls iliter yephethulo ikhuphuke yaya ku$10.56, ePlumtree laseBeitbridge iku$10.43, eHwange iku$10.82 kuthi koBulawayo isibiza $10.37.
Ukukhuphuka kwamafutha ezimota lokhu sokuyinto eyenzakala maviki wonke. Ocubungula ezombusazwe uMnu Difa Dube utshele iStudio 7 ukuthi intengo yezinto zonke layo izakhuphuka maduze nje.