Ibandla leZanu PF lithi indlu kamuyi, uMnu. Robert Mugabe owayengumongameli welizwe, ethiwa Blue Roof, yakhiwa libandla leli kodwa lithi lisemzameni yokulobisa igama lakhe ukuthi kube yindlu yakhe. Sixoxe lonobhala oqoqa inhlelo zebandla, uMnu. Obert Mpofu ukuze sizwe okunengi ngaloludaba.
“Yebo yindlu yebandla ayisiyo yodwa iBlue Roof zinengi izindlu ezazisetshenziswa ngubaba uformer president. Kulendawo kade ezisebenzisa ezebandla kodwa imizamo ikhona esiyenzayo ukuze sikulungisise kube ngokwakhe lakhona setshonile,” kutsho uMpofu.
Uthi ibandla labona kufanele ukuthi umongameli webandla ahlaliswe endaweni elesithunze ukuze nxa ethekelewe yinkokheli yamanye amazwe abe lesithunzi.
UMpofu uthi kudaba lokuncwatshwa kuka Mugabe ibandla selenze laqeda kodwa lizemukela okuzakwenziwa yimuli yakhe ethi ifuna ukuthi angcwatshwe ngemva kwenyanga eyodwa.
“Lokho osekusele sokusele emulini yakhe ukuthi bazakwenza imikhuba enjani,” kutsho uMpofu.
Your browser doesn’t support HTML5
Ingxoxo loMnu. Obert Mpofu