Ibandla leMDC lithi lizakwazisa uzulu kuviki elilodwa kumbe amabili alandelayo ngohlelo lwalo lokutshengisela ezitaladeni lisola uhulumende phezu kokubhidlika komnotho.
Isimemezelo lesi siza ngesikhathi intengo yempahla iqhubeka iqonga mahlayana njalo odokotela labo bephakathi kokukhalala umsebenzi bekhonona ngeholo eliphansi.
Ikhomithi yeMDC emqoka, eyeStanding Committee, ihlangene eHarare izolo yavumelana ukuthi kumele ibandla leli liqhubeke ngenhlelo zalo zokutshengisela lisola uhulumende lanxa nje like lavinjwa ngamapholisa.
Ilunga lekhomithi le uNkosikazi Lillian Timveos utshele iStudio 7 ukuthi ukutshabalala komnotho okuqhubekayo kuveza sobala ukwehluleka kukahulumende kaMongameli Emmerson Mnangagwa.
Your browser doesn’t support HTML5
Ingxoxo loNkosikazi Lilian Timveos
Kodwa ilunga leZanu PF uMnu Malaki Nkomo uthi yonke imizamo yokuvuselela umnotho eqhutshwa nguhulumende iphazanyiswa yiMDC.
Your browser doesn’t support HTML5
Ingxoxo loMnu Malaki Nkomo