UMongameli Emmerson Mnangagwa uselubhekise kwele Russia edolobheni le Sochi emhlanganganweni athi uzalethela ilizwe okungahlenga uzulu.
UMnagangwa ukhangelelwe ukuhlangana leziphathamandla zemankampani ye Alrosa emba amatshe aligugu eManicaland kunye lenye njalo inkampani emba ilitshe le platinum eesigabeni sinye.
Ukhangelelwe njalo lokukhulumisana labanye osomabhizimusi kunye leziphathamandla zikahulumende wakwele Russia.
Isiphathamandla sebandla leZanu PF njalo engummeli wesigaba seBulilima West, uMnu. Dingumzi Phuthi utshele iStudio Seven ukuthi uMnangagwa kumele ahambe ayekhulumisana lenye inkokheli yamazwe ukuze athole okungaphathisa ilizwe.
Your browser doesn’t support HTML5
Ingxoxo loMnu. Dingumuzi Phuthi
Lokhu sikudaba lunye, abanye basola inhambo zikaMnangagwa besithi udlalisa imali ngoba esebenzisa indizamtshina ebhadalwa inkulungwane zamadola ngehola linye kodwa kungalethi zithelo.
Sixoxe lesiphathamandla sebandla leMDC, uMnu. Sengezo Tshabangu sambuza ukuthi ulubona njani loludaba?
Your browser doesn’t support HTML5
Ingxoxo loMnu. Sengezo Tshabangu