WASHINGTON D.C —
Ibandla leMDC lithi lizahlanganisa amakhanda licubungule isinqumo esithethwe ngusomlomo wedale lephalamende uMnu. Jacob Mudenda esokuthi bengabuzi abaphathintambo bakahulumende kulelidale imibuzo ngoba besithi umongameli Mnangagwa kasuye umholi welizwe.
Kube lokuxokozela izolo ntambama kulandela lesi isinqumo, amalunga e-MDC ezama ukusiphikisa okuhle kwamisa inhlelo zephalamende.
UNkosazana Thabitha Khumalo, ongumgcinisihlalo walelibandla, njalo engumkhokheli weMDC edale lephalamende utshele uSithandekile Mhlanga weStudio 7 ukuthi balakho ukukhweza emthethwandaba zonke izinqumo esezathathwa nguMnu. Mudenda ezephula amalungelo abo.
Your browser doesn’t support HTML5
Ingxoxo loNkosazana Thabitha Khumalo