Ukutholakala kolwela amalungelo oluntu uMnu Josphat Mzaca Ngulube elecala lokutshisa izimota zesiphathamandla seZanu PF ngesikhathi sokutshengisela ngoZibandlela koBulawayo sokutshiye abanye ababelaye ngalolosuku bedanile njalo besithi bazi mhlophe ukuthi uNgulube umsulwa.
Ekuthethweni kwalelicala uNgulube wethulela umthethwandaba ubufakazi bokuthi wayesemfeni ngesikhathi kutshiswa izimota lezi elokitshini lesizinda.
Kodwa umantshi wathi lanxa uNgublube ele-video emveza esemfeni, wayengeke amgeze ngoba kwakungelabufakazi bokuthi wayengaphi engakayi emngcwabeni lokuthi wenzani.
Umantshi uzakwethula isigwebo sakhe ngolwesihlanu. Kodwa omunye othi uNgulube umsulwa ngoba babebonke ngesikhathi okuthiwa wadala lelicala nguMnu Owen Mothobi Moyo, ongumlobi.
Your browser doesn’t support HTML5
Ingxoxo loMnu Owen Mothobi Moyo