Uhlelo lwezizalwane ze Zimbabwe ezihlala phandle kwelizwe lokuphathisa abagulayo ngoncedo lokwelatshwa kungelambadalo luqale namuhla.
Lokhu kulandela ukukhalala umsebenzi okwenziwa ngabodokotela besithi imali abayiholayo ayisenelisi ukuthi bafinyelele emsebenzini.
Loluhlelo lubuthelela imali ebulenjini be Internet okuthiwa yi crowd funding ngesilungu imali yakhona ibe yiyo ebhadala odokotela lokuthenga imithi.
Ababuthelela limali bathi balesifiso sokuthi ifike kumadola azinkulungwane ezilitshumi, $10 000 kodwa okwakathesi imali esikhona izinkulungwane ezine, $4 000.
UChris Gande weStudio Seven uxoxe lomunye wabaphathisa ngesikhwama lesi, uMnu. Mlungisi Dube ukuze sizwe okunengi ngaloludaba.
Your browser doesn’t support HTML5
Ingxoxo loMnu. Mlungisi Dube