Inhlanganiso yeWorld Food Program ithi idolobho lePlumtree ngelinye lamadolobho akhokhelayo elizweni ngenani labantu abalambayo njalo abadinga uncedo lokudla oluphuthumayo.
Idolobho leNorton yiyo elihamba phambili ngesilinganiso sokungamatshumi amahlanu lanhlanu ekhulwini, 55 percent, lilandelwa yiEpworth kuzothi endaweni yesithathu kuledolobho lePlumtree lona elilenani labalambayo abayisilinganiso sokungamatshumi amane lambili ekhulwini, 42.8 percent.
Idolobho leMarondera likuzinga lesine lilandelwa ngeleChinhoyi.
Amanye amadolobho abhekane lendlala embi eMatabeleland abalisa eleBinga, eleLupane leleNkayi, wona ahlezi kuzinga letshumi lasikhombisa elandelwa ngeleHwange leleVictoria Falls wona akuzinga letshumi lasitshiyagalombili.
Idolobho leGwanda lona likuzinga lamatshumi amabili kuthi elakoBUlawayo likuzinga lamatshumi amabili lantathu njalo abantu abadinga uncedo lokudla kulo bangamatshumi phose amathathu ekhulwini, 27.7 percent.
Okumangalisayo yikuthi idolobho leBeitbridge, yilo elilenani labalambayo abalutshwana kakhulu elizweni lanxa nje lumango ulugwadule.
IWFP ithi abantu abalambayo eZimbabwe abamele baphathiswe ngokudla ngokuphangisa lifika ku7.7 million.
Sixoxe lomgcinisihlalo wekhansili yePlumtree Town uMnu Fanisani Dube yena othi mubi kakhulu umumo kulelidolobho.
Your browser doesn’t support HTML5
Ingxoxo loMnu Fanisani Dube