Kambe amazwi kaMongameli Emmerson Mnangagwa awokuthi uzulu adle imbhida atshiyane lenyama ngoba isidula, abengabe ebejongeni?
UMnangagwa ubephendula abantu be Kuwadzana abathe sebesehluleka ukudla inyama ngoba isidula.
Lo bekungumbuthano awenza nyanga zonke phansi kohlelo lokuhlanza ilizwe lapho uMnangagwa akhetha indaawo yokuthanyela njengesibonelo sokukhuthaza uzulu ukuthi agcine ilizwe lihlanzekile.
Abantu baqale ukumemeza bemtshela izikhalazo okungakaze kwenzakale. Abanye bazwakale bemhoza lapho ekhuluma okukuthi babodla imbhida ngoba odokotela bathi yikho okutholakala ama vitamin akha umzimba.
Sixoxe lengcwethi ecubungula ezombusazwe, uMnu. Michael Mdlala Ndiweni ukuze sizwe imbono yakhe ngaloludaba.
Your browser doesn’t support HTML5
Ingxoxo loMnu. Michael Mdladla Ndiweni