Umongameli Donald Trump weleMelika uthi ilizwe lakhe lizafakela ele Iran ezinye njalo izijeziso zenotho kulandela ukudutshulwa kwamabhomba abehlose ukutshabalalisa amabutho aweMelika akwele Iraq.
Ele Iran laphosela amabhomba ohlobo lwe ballistic missile ahamba umango omude adiliza izakhiwo kodwa akulamuntu ofileyo.
Lokhu bekuyikuphindisela ukubulawa komholi webutho lakwele Iran obulewe zindizamtshina ezingelabatshayeli ezakweleMelika ngoLwesihlanu lweviki edluleyo.
Kodwa uTrump owayethe nxa ele Iran lingavele lizame ukuphindisela eleMelika lizathatha amanyathelo alukhuni uthe ulesifiso sokuba ele Iran lisebenzelane lamanye amazwe. Ke sizwe amazwi ka Trump:
Your browser doesn’t support HTML5
Amazwi kaMnu. Donald Trump
Ukuhlaziya loludaba sixoxe lengcwethi ecubungula ezombusazwe, uMnu. Effie Dleala Ncube othi amazwe womabili awasoze aqale impi yomhlaba.
Your browser doesn’t support HTML5
Ingxoxo loMnu. Effie Dlela Ncube