IStudio seven ithole ubufakazi bokuthi olwela ilungelo likazulu, uMnu. Josphat Mzaca Ngulube labanye abathathu abasekeli bemdc abavalelwe ejele leKhami, bazayavalelwa ejele elingaqanjwanga eHarare namuhla.
Ungulube labanye abathathu abathi, uFortune Masuku, Melusi Moyo lo Otillia Sibanda bagwetshelwa ukuhlala ejele okweminyaka eyisikhombisa ngemva kokutholakala belecala lokutshisa imota yelunga leZanu PF ngesikhathi sokutshengisela okwenziwa ilizwe lonke ngenyanga kazibandlela nyakenye.
Igwetha lika Mzaca Ngulube, uMnu. Nqobani Sithole utshele iStudio seven ukuthi batshelwe ukuthi uMzaca labanye basuswa eKhami ngoba kusesatshelwa impilo yabo kulandela imbiko eyethulwa kuWhatsapp.
Your browser doesn’t support HTML5
Ingxoxo loMnu. Nqobani Sithole
UMzaca Ngulube wazimela kukhetho lokudinga amalunga edale lephalamende kodwa ubikwa wayesselilunga leMDC.
Imizamo yokukhuluma leziphathamandla zejele lekhami yehlule, kodwa senelise ukukhuluma lesikhulumeli sebandla leMDC kobulawayo, uMnu. Swithun Chirowodza.
Your browser doesn’t support HTML5
Ingxoxo loMnu. Swithun Chirowodza