WASHINGTON D.C —
Umkhokheli weMDC uMnu Nelson Chamisa uthi sesifikile isikhathi sokuthi ibandla lakhe liyale ukulandela imithetho encindezelayo esetshenziswa ngamapholisa ukuvimba imihlangano yalo.
UChamisa wethule amazwi la enkundleni yeTwitter ngemva kokwalelwa ngamapholisa ukuqhuba umkhosi webandla lakhe eMbare izolo lapho abekhangelelwe ukwethulela uzulu umbiko omqoka ophathelane lesimo selizwe.
UChamisa uthi usezakwethula lumbiko ngenkani ngoLwesibili oluzayo lanxa engaze aliswe njalo ngamapholisa.
Ngomnkaya odluleyo minengi imihlangano yeMDC evinjwe ngamapholisa.
Umgcinisihlalo waleli bandla uNkosazana Thabitha Khumalo ugcizelele amazwi kaMnu Chamisa.
Your browser doesn’t support HTML5
Ingxoxo loNkosazana Thabitha Khumalo