Kuhlelo Woza Friday liviki sihamba leqembu leKhandamhlophe Neighbour Boys liphethe idlalade lalo lesihlanu elilesihloko esithi 'Zihlangene Volume 1.'
Abafana beKhandamhlophe badabuka khona kanye esigabeni seKhandamhlophe, ePlumtree, njalo bethule idlalade leli bebambisane leqembu leAmabhubesi.
Umkhokheli waleliqembu uXolani Dube utshele iStudio 7 ukuthi abangaba befuna ukuthenga umculo wabo balakho ukumtshayela ucingo kunombolo zakweleSouth Africa ezithi +27619636853.
Idlalade leli lilengoma eziyisitshiyagalombili eziphekwe ngobunono obukhulu ezibalisa ethi ‘Tshintsha Ndonda’, ‘Bazwadzi’, ‘Inhlalakahle’, ‘Ispoko’, ‘Uthando’, ‘Ubongwa Esaphila’, ‘Abazali Bami’, kanye lethi ‘Udumo.’
Your browser doesn’t support HTML5
Udaba Siluphiwa nguNtungamili Nkomo