Umphathintambo wezemali uMnu Mthuli Ncube usemhlanganweni weWorld Economic Forum (WEF) eDavos kweleSwitzerland lapho athi usehlangane leziphathamandla zakwamanye amazwe labosomabhizimusi baxoxisana ngendlela abangasebenzelana ngayo kwezentuthuko.
Eloba enkundleni yeTwitter, uNcube uthe uchasisele njalo lumhlangano ngokuqakatheka komthelo wokubili ekhulwini awethule nyakenye ochothozwa ngabanengi.
UMongameli Emmerson Mnangagwa kahambanga emhlanganweni lo lonyaka.
Kayanga njalo emhlanganweni wezamabhizimusi obekhona phakathi kweleBhilithani lenkokheli yamazwe eAfrica kuliviki ngoba kanxuswanga yiBhilithani.
Ingcwethi ecubungula ezenotho uMnu Masimba Kuchera utshele iStudio 7 ukuthi imihlangano efana loweDavos lo kayiphathisi eleZimbabwe kangako ngoba umumo okhona uxotsha abatshali bezimali.
Your browser doesn’t support HTML5
Ingxoxo loMnu Masimba Kuchera