Ibandla leMDC lithi umeli walo weMbare edale lephalamende uMnu Starman Chamisa ucatshile ngemva kokuhlaselwa ngabasakhulayo abakade behlome ngembemba lezigodo izolo.
Kunakanelwa ukuthi abantu laba ngabebandla leZanu PF njalo babikwa behlasele lozulu weMbare mahlayana.
Isehlakalo lesi siza ngemva komhlangano oqhutshelwe ngumkhokheli weMDC uMnu Nelson Chamisa eMbare ngoLwesibili lapho aveze khona ukuthi ibandla lakhe lizaqinisa uhlelo lokutshengisela lisola uhulumende lonyaka.
UStarman Chamisa ulobe enkundleni yeTwitter ukuthi ucatshe emapholiseni enkambeni yeMatapi lapho athi ubesegonjolozelwe ngabasakhulayo laba.
Ibandla leli lithi uChamisa ubeye emapholiseni ukuyadingisisa phezu kodaba lwamalunga eMDC abotshwe izolo ekuseni ingxabangxoza le ingakaqalisi.
Isikhulumeli sikaMnu Nelson Chamisa, uDr. Nkululeko Sibanda usole kakhulu isehlakalo lesi.
Your browser doesn’t support HTML5
Ingxoxo loDr Nkululeko sibanda
Yena uChamisa ngokwakhe uthe ngempela abamhlaseleyo laba ngabaskeli beZanu PF. Sehlulekile ukukhuluma lamapholisa kanye labebandla leZanu PF.