Imuli katitshala wesikolo se Njube High School, uMnu. Brian Mutsiba ibikwa ihlukuluzwa ngamapholisa ensitha kulandela ukutshengisela okwenziwa ngamabantwana balesi sikolo.
Bekolokutshengisela esikolo lesi ngoMvulo abantwana abedlula ikhulu bangeze emgwaweni batshengisela bthwele iflag yelizwe lomfanekiso kaMongameli Emmerson Mnangawa behlabela ingoma ethi “Into Oyenzayo Siyayizonda”.
UMutsiba ubaleke elizweni ngemva kokutshengisela lokhu.
UMutsiba utshele iStudio Seven ukuthi ubaleke elizweni ngoba ubesedingwa ngabantu abangaqondakaliyo hatshi amapholisa nje kuphela.
Amapholisa abikwa esiya emuzini wangakibo ehlukuluza izihlobo zakhe besithi zichaze ukuthi waya ngaphi.
Asenelisanga ukuxoxa lezihlobo zakhe. Kodwa uChris Gande weStudio Seven uxoxe lomgcinisihlalo wenhlanganiso ye Bulawayo Progressive Residents’ Association, uMnu. Ambrose Sibindi ukuze sizwe ukuthi bona bathini ngodaba lolu njengezakhamizi.
Your browser doesn’t support HTML5
Ingxoxo loMnu. Ambrose Sibindi