EleZimbabwe limanyane lamanye amazwe ngoLwesibili ekunanzeni ilanga leWorld Cancer Day abanye besithi abesifazana abahlala emaphandleni bafa mahlayana ngomkhuhlane wemvukuzane ngoba beswela imali yokuyahlolwa leyokwelatshwa.
Ekhuluma emkhosini oqhutshelwe eHarare lugatsha olubona ngezempilakahle, umkaMongameli welizwe uNkosikazi Auxillia Mnangagwa ukhuthaze uzulu ukuthi abambane ekulwisaneni lomkhuhlane lo, wona obulala abantu abanengi kakhulu ngomnyaka.
Kulemikhakha yemvukuzane etshiyeneyo egoqela imvukuzane yebele leyesibeletho, eyiyo ebulala abesifazana abanengi ukwehlula eminye imikhakha eZimbabwe ngomnyaka.
Umkhokheli weWomen Development Association of Zimbabwe uNkosikazi Juliet Nkiwane utshele iStudio 7 ukuthi kulenhlelo eziqhutshwa yinhlanganiso yakhe emaphandleni ezijonge ukukhuthaza abesifazana ukuthi bahlale besiyahlolwa umkhuhlane lo.
Your browser doesn’t support HTML5