Lanxa umkhokheli weMDC uMnu Nelson Chamisa esithi ibandla lakhe lizatshengisela elizweni lonke jikelele lisola ukwehluleka kukahulumende, ibandla leZanu PF lithi lokhu akusoze kusize ngalutho.
Lithi okudingakalayo yikuthi uChamisa angene kumanyano wePolad njengamanye amabandla aphikisayo bakhulumisane loMongameli Emmerson Mnangagwa ngokuhluphayo elizweni.
UMnu Chamisa utshele intathelizindaba ngoLwesithathu ukuthi ibandla lakhe liqoqa ukutshengisela lisola uMnangagwa ngokwehluleka ukuvuselela umnotho kanye lokuqilibezela kukhetho.
Abasakhulayo beMDC bahle baqala ukutshengisela eHarare izolo.
Ukuhlaziya loludaba sixhume ilunga leZanu PF uMnu Malaki Nkomo lelunga leMDC uMnu Edwin Ndlovu onguye osungula lingxoxo.
Your browser doesn’t support HTML5
Ingxoxo loMnu Edwin Ndlovu loMnu Malaki Nkomo