WASHINGTON DC —
Abasekeli beMDC ababili ababotshwe ngeviki edluleyo besetheswa icala lokutshengisela ngaphandle komthetho bakhululwe yinkantolo ngoMvulo ngemva kokubavumela ukuhlawula imali yesibambiso.
UMnu Makomborero Haruzivishe loMnu Allan Moyo babotshwe ngoLwesine ndawonye labanye abedlula amatshumi amathathu ngemva kokutshengisela eHarare besola umbuso weZanu PF.
Kodwa abanye baphanga bakhululwa bengetheswanga cala.
Igqwetha lababili laba uMnu Obey Shava utshele iStudio 7 ukuthi umatshi ubahlawulise amadola ayinkulungwane eyodwa, i$1,000 ngamunye njalo wabalaya ukuthi bazibike emapholiseni kabili ngeviki.
Udaba lwabo luzathethwa mhlaka 9 ngenyanga ezayo.