Owake waba nguMongameli weEgypt uMnu Hosni Mubaraki kasekho.
UMubarak ubhubhe ngoLwesibili eseleminyaka yokuzalwa engamatshumi ayisitshiyagalolunye lanye, 91.
UMubarak ugenqulwe embusweni ngo2011 kumvukela weArab Spring wamiswa emthethwandaba esetheswa amacala okubulala.
Wagwetshwa kodwa wasuka wakhululwa yinkantolo yaphezulu.
UMubarak wayenguntandokayiphikiswa njengoMnu Robert Mugabe njalo wabusa okweminyaka engamatshumi phose amathathu.
Ekugenqulweni kwakhe uzulu weEgypt wathokoza kakhulu esithi wayesekhangelele ukuthi kube lombuso omutsha ohlonipha amalungelo oluntu.
Khepha ingcwethi kwezombusazwe uMnu Effie Dlela Ncube uthi okudanisayo yikuthi uhulumende omutsha kaAbdel Fattah el-Sisi laye ubusa abantu kubi.
Your browser doesn’t support HTML5
Ingxoxo loMnu Effie Dlela Ncube